الكلمة دي غريبة فعلاً .. باسمعها وباقولها كتير في اليوم بتاعي .. أتأخر ع الشغل الصبح أقول معلش .. واحد يخبطني الصبح وانا واقف في المترو يقولي معلش .. واحد صاحبي يقولي مابتسألش ليه اقوله معلش بأه هاشوفك قريب .. أمشي بدري من شغلي في يوم ولما يسألني مديري أقوله معلش بأه المره دي .. واحد صاحبي مكتئب أقوله معلش ..واحد بيزعأ في الشارع أقوله معلش حصل خير .. الغريب اني لما فكرت في ترجمة انجليزي للكلمة دي مالقيتش .. ذي مايكون دي حاجة مرتبطة بثقافتنا احنا .. بنحط مبررات لنفسنا وخلاص بالكلمة دي .. أحياناً بتكون هي المبرر نفسه .. بكره هاحاول أقضي يومي من غير مااقول كلمة "معلش" ..
ويلا انا لازم امشي دلوأتي عشان هانام
يلا معلش بأه
هناك تعليقان (2):
فكرت فيها قليلا
واعتقد اننا نحاول دائما تلطيف الامور بتلك الكلمة لتجنب المشكلات
ثم هي اقل حرجا من كلمة أسف ولهذا تستخدم كثيرا
معلش
تقريباهي اختصار كلمة
لا عليه شئ بس عشان احنا بنحب نخطف الكلام خليناها معلش
بس كده
اما احنا بنستخدمها كتير ليهه فامعلش مش عارفه والله :))
يمكن تكون جينات يمكن يكون ميراث اجداد تبلد شعور مش متأكده بالظبط
إرسال تعليق